Në prani të dy presidentëve u nënshkrua Marrëveshja e Bashkëpunimit Teknik dhe Afarist mes Dhomës së Tregtisë së Tiranës dhe Dhomës Ekonomike Sllovene. Topi ftoi biznesin slloven të jetë pjesë e investimeve në resurset që afron vendi ynë.

Shtrëngatat e ditëve të fundit të shoqëruara me ndryshimin e rrymave detare, kanë sjellë në bregdetin e Zvërnecit një dukuri të pazakontë, atë të mbipopullimit të bregdetit me barëra detare dhe me gjallesa që jetojnë vetëm nën 20 m thellësi.

Ministri i Ekonomisë Dritan Prifti priti sot në takim Z.Adolf Urslo Zv. Ministrin e Zhvillimit Ekonomik të Republikës së Italisë. Urslo gjatë takimit shprehu besimin e plotë të qeverisë italiane për forcimin e bashkëpunimit mes dy vendeve.

Komisioni parlamentar i Ekonomisë miraton projektligjin për faljen e kamatvonesave të sigurimeve shoqërore në sektorin e bujqësisë. Përfitues të këtij drafti janë rreth 75 mijë fermerë. Efekti financiar në buxhet,rreth 250 mln lekë.

Bora e parë e këtij viti i ka gjetur nën cadra banorët e dy komunave në Dibër. Situata bëhet alarmante pas rënies së temperaturave, ndërsa banorët nuk mund të kthehen në shtëpitë e tyre pasi janë dëmtuar nga tërmeti i 6 shtatorit.

Presidenti i KE-së Jose Manuel Barroso i ka dërguar një letër kryetares së Kuvendit Jozefina Topalli. Në letrën inkurajuese të Barrosos theksohet se tashmë për Shqipërinë ka mundësi të mëdha edhe në BE.

Progres raporti i Ke i referohet tragjedisë së Gërdecit, duke thënë se cështja ndaj të akuzuarit kryesor ish ministrit të Mbrojtjes Mediu u pezullua për shkak të imunitetit të ri, ndërsa shton se kjo cështje duhet të hetohet deri në fund.

Një autobuz me targa të Kosovës është përplasur me një automjet tip furgon në afërsi të Ujit të Ftohtë në segmentin e Qafës së Malit. Përplasja e mjeteve ka shkaktuar panik tek pasagjerët, për shkak të terrenit të thepisur.

Kreu i Bashkisë së Tiranës reagon pas deklaratës së kryeministrit për hapjen e një tenderi për Unazën e madhe të kryeqytetit, duke thënë se Berisha nuk kupton detyrën e tij, duke e akuzuar për cenim të autonomisë së pushtetit vendor.

“Sistemi shëndetësor në Shqipëri duhet forcuar pasi është po aq i rëndësisëm sa edhe sitemet e tjera në vend. Krahasuar me vendet e rajonit, shëndetësia shqiptare ka buxhetin më të vogël për frymë” deklaroi Ambasadori amerikan.